论如何作死地写出自己都可能看不懂的东西。
覃歡喜死咗之後，徐天堂有去探過佢。
洪英嘅新坐館有心，將佢同埋妻兒葬喺一齊。徐天堂去個日，個天好凍，落咗雨，啱啱好將墓碑洗得乾淨。碑上張相已經從馮珊珊換作佢哋一家嘅合影，父母同BB都笑得好開心。相片真系好嘢，為呢家人圈出一個單獨嘅世界，喺呢個世界裡面，佢哋仲平安幸福、於心無愧。
有人幾日前來過，留下嘅花束已經乾枯，此刻又喺雨水裡面糜爛。一開始佢以為系正梅來過，又發現咗花裡面有幾支白玫瑰，心知唔系正梅，佢一向唔中意呢啲過分美艷嘅玫瑰鬱金香之流。徐天堂本來谂著掟咗呢啲花，攞起之後先睇到裡面夾著張card，字跡都已經模糊，只最末嘅署名仲睇得出模糊嘅“女”、“釘”兩個字。佢於是將花擺翻去。
覃歡喜真系好命，可能真系因為個名起得好，死咗老婆仲有兄弟，死咗個仔就有咗個契女送終。徐天堂有啲惡毒嘅谂著。
“歡喜哥，今日我系替樂少嚟探你。”佢話。
咁計下，樂少亦都已經走咗三年。
10.30